A Asociación Ambar das Persoas con Diversidade Funcional deu un paso estratéxico na mellora das súas instalacións co reacondicionamento térmico da súa nave situada no Polígono Industrial de Xarás. Esta actuación supón un avance significativo en termos de eficiencia enerxética e confort, ao tempo que converte o espazo nun centro clave para o desenvolvemento de […] A Asociación Ambar das Persoas con Diversidade Funcional deu un paso estratéxico na mellora das súas instalacións co reacondicionamento térmico da súa nave situada no Polígono Industrial de Xarás. Esta actuación supón un avance significativo en termos de eficiencia enerxética e confort, ao tempo que converte o espazo nun centro clave para o desenvolvemento de
A Asociación Ambar das Persoas con Diversidade Funcional deu un paso estratéxico na mellora das súas instalacións co reacondicionamento térmico da súa nave situada no Polígono Industrial de Xarás. Esta actuación supón un avance significativo en termos de eficiencia enerxética e confort, ao tempo que converte o espazo nun centro clave para o desenvolvemento de novas actividades formativas e de inclusión.
Grazas a esta mellora, a entidade puido ampliar a súa capacidade operativa e acoller diversas accións formativas que requiren condicións ambientais axeitadas. O acondicionamento da nave permite crear un entorno máis cómodo e funcional para as persoas usuarias, favorecendo así a aprendizaxe e o desenvolvemento persoal.
Estas actuacións enmárcanse dentro dos obxectivos do proxecto Talentos Diversos, unha iniciativa destinada a potenciar as capacidades e talentos das persoas con diversidade funcional na comarca da Barbanza, promovendo a súa inclusión social e laboral.
O proxecto Talentos Diversos está cofinanciado pola Fundación ONCE, a través da súa Convocatoria Xeral, pola Axencia Galega de Desenvolvemento Rural e pola Deputación da Coruña, con cargo ao Programa FOIE: Subvencións a entidades sen ánimo de lucro para o investimento en servizos sociais do ano 2023.
Desde a Asociación Ambar quixeron expresar o seu máis sincero agradecemento ás entidades colaboradoras, destacando que o seu apoio constante resulta fundamental para que a comarca da Barbanza continúe avanzando cara a un modelo de territorio máis accesible, inclusivo e comprometido coa igualdade de oportunidades para todas as persoas.
Barbanza-Arousa | O Barbanza
