A directora xeral de Desenvolvemento Pesqueiro coñeceu de primeira man o traballo da empresa e lembrou o recente convenio de 30.000 euros asinado con Agalcari para preservar este oficio tradicional. A directora xeral de Desenvolvemento Pesqueiro, Ángeles V. Suárez, visitou as instalacións de Astilleros Catoira, situadas no concello de Rianxo, para coñecer de preto a […]
O artigo A Xunta reforza o seu apoio á carpintería de ribeira tras a visita a Astilleros Catoira en Rianxo publicouse primeiro en O Barbanza. A directora xeral de Desenvolvemento Pesqueiro coñeceu de primeira man o traballo da empresa e lembrou o recente convenio de 30.000 euros asinado con Agalcari para preservar este oficio tradicional. A directora xeral de Desenvolvemento Pesqueiro, Ángeles V. Suárez, visitou as instalacións de Astilleros Catoira, situadas no concello de Rianxo, para coñecer de preto a
O artigo A Xunta reforza o seu apoio á carpintería de ribeira tras a visita a Astilleros Catoira en Rianxo publicouse primeiro en O Barbanza.
A directora xeral de Desenvolvemento Pesqueiro coñeceu de primeira man o traballo da empresa e lembrou o recente convenio de 30.000 euros asinado con Agalcari para preservar este oficio tradicional.
A directora xeral de Desenvolvemento Pesqueiro, Ángeles V. Suárez, visitou as instalacións de Astilleros Catoira, situadas no concello de Rianxo, para coñecer de preto a actividade que desenvolve a compañía e analizar a realidade dun sector historicamente ligado á tradición marítima e pesqueira de Galicia. Durante o encontro, púxose o foco na relevancia de protexer e impulsar a carpintería de ribeira tanto polo seu valor económico como polo seu peso no patrimonio cultural costeiro.
A visita enmárcase dentro da estratexia da Xunta de Galicia para apoiar este sector mediante o traballo conxunto coa Asociación Empresarial Galega de Carpintería de Ribeira (Agalcari). A Consellería do Mar vén de asinar un convenio con esta entidade dotado con 30.000 euros para o ano 2026, destinado a dinamizar, fomentar e recuperar esta actividade e o patrimonio marítimo flotante a través de iniciativas de divulgación, transferencia de coñecemento e plans de relevo xeracional.
Tradición e modernización do oficio
Ángeles V. Suárez salientou tamén o papel do Plan de Cultura Marítima de Galicia (PCUMA), deseñado para a conservación e posta en valor do patrimonio marítimo e dos oficios vencellados ao mar. Segundo indicou a directora xeral, os estaleiros tradicionais son pezas chave para salvagardar e transmitir ás futuras xeracións técnicas de construción naval únicas.
Para rematar, a representante autonómica subliñou a necesidade de atopar un equilibrio entre a preservación destes saberes artesanais e a incorporación de novas técnicas e solucións actuais, garantindo a viabilidade de futuro dunha actividade especializada e identitaria para as comunidades costeiras galegas.
Barbanza-Arousa arquivos – O Barbanza
