Ribeira presentou este 21 de novembro os detalles do seu programa de actividades para celebrar o 25N, o Día Internacional para a Eliminación da Violencia contra as Mulleres. Na convocatoria compareceron a concelleira de Igualdade e Diversidade, Cruz Rivadulla, a asesora legal do CIM (Centro de Información á Muller), Dolores Crujeiras e Nereida Rivero, da […] Ribeira presentou este 21 de novembro os detalles do seu programa de actividades para celebrar o 25N, o Día Internacional para a Eliminación da Violencia contra as Mulleres. Na convocatoria compareceron a concelleira de Igualdade e Diversidade, Cruz Rivadulla, a asesora legal do CIM (Centro de Información á Muller), Dolores Crujeiras e Nereida Rivero, da
Ribeira presentou este 21 de novembro os detalles do seu programa de actividades para celebrar o 25N, o Día Internacional para a Eliminación da Violencia contra as Mulleres. Na convocatoria compareceron a concelleira de Igualdade e Diversidade, Cruz Rivadulla, a asesora legal do CIM (Centro de Información á Muller), Dolores Crujeiras e Nereida Rivero, da Asociación A Creba.
A concelleira de Igualdade resaltou que “dende o CIM organizáronse varias actividades que coidamos que abranguen un amplo marxe de idades”. O propio día 25 novembro celebrarase un acto institucional como tódolos anos onde será lido un manifesto da FEGAMP en colaboración cos colexios no que a continuación, os rapaces e rapazas colgarán nunha oliveira natural na praza de España os nomes das mulleres, nenos e nenas asasinadas dende o 25 de novembro de 2023 ata agora que son un total de 54. Dita Oliveira posteriormente plantarase nun espazo público da cidade onde proseguirán as honras en memoria das vítimas.
“Este día é para concienciar á poboación e para lembrar a estas vítimas da violencia de xénero, no só é o 25 de novembro para loitar contra ela senón durante tódolos días do ano”, rematou Cruz Rivadulla.
Deseguido Dolores Crujeiras pasou a debullar o denso e variado número de actividades, colaboracións e adhesións a campañas do 25N. Crujeiras comunicou que se está incidindo na liña da formación e de sensibilización para dirixirnos á xente máis nova que “consideramos que temos que traballar máis para crear persoas de futuro, máis concienciadas ca igualdade e respectuosas cos dereitos fundamentais”. O programa inclúe un contacontos en liña, Imos ao recreo dirixido á etapa de primaria a partires de tres anos onde se fará unha reflexión dos espazos que tradicionalmente foron diferenciados no recreo para nenas e para nenos. Tamén haberá outro contacontos pero de forma presencial dirixido a primeiro da ESO, Expectativas vs Realidade, que trasladará a sensibilización ao ámbito das redes sociais “que é onde se están a canalizar as novas formas de violencia de xénero, sendo o obxectivo concienciar a adolescentes sobre o que é real e o que non é porque nas redes plásmase unha realidade ficticia interpretada ou asimilada como real e certa”, sinalou Crujeiras.
Ademais e como cada ano, Ribeira vaise adherir ás diferentes campañas institucionais, e para comezar coa do propio Concello, que vai a ser sinxela e moi ilustrativa: Ribeira prohibe as violencias machistas, a través da cal pídese a colaboración de todos os establecementos de Ribeira, tanto comercio como hostalería onde se facilitarán uns vinilos cuns sinais de prohibición onde se amosa o compromiso de Ribeira coas violencias machistas. Repartiranse este fin de semana para poñer nos escaparates.
Tamén o Concello adhírese á campaña da Xunta Camiño ao respecto (andaina), á campaña da Deputación (De Fronte á violencia de xénero) e á campaña da FEGAMP, Que a vergoña cambie de bando.
A maiores, o día 14 de decembro organizarase un curso de defensa feminista de balde que xa se leva facendo hai uns anos, coincide un sábado e será de 9:30 a 13:00 h e de 16:00 a 20:00 h no Complexo Deportivo da Fieiteira (mulleres maiores de idade).
Para rematar Nereida Rivero da Asociación A Creba presentou a mesa redonda que levará por título Diagnóstico psiquiátrico e violencia de xénero á que se poderá asistir o día 27 de novembro ás 19:00 h no Centro Cultural Lustres Rivas.
Barbanza-Arousa | O Barbanza
