A Deputación da Coruña afronta este xoves 16 de abril a cuarta e derradeira xornada da súa participación no 39.º Salón Gourmets, a feira internacional de alimentación e bebidas de alta gama que se celebra no recinto feiral de IFEMA, en Madrid. Para o vicepresidente provincial e deputado de Turismo e Promoción Económica, Xosé Regueira, […]
O artigo A Deputación despídese o xoves do Salón Gourmets cun balance “moi positivo” da súa segunda participación na feira publicouse primeiro en O Barbanza. A Deputación da Coruña afronta este xoves 16 de abril a cuarta e derradeira xornada da súa participación no 39.º Salón Gourmets, a feira internacional de alimentación e bebidas de alta gama que se celebra no recinto feiral de IFEMA, en Madrid. Para o vicepresidente provincial e deputado de Turismo e Promoción Económica, Xosé Regueira,
O artigo A Deputación despídese o xoves do Salón Gourmets cun balance “moi positivo” da súa segunda participación na feira publicouse primeiro en O Barbanza.
A Deputación da Coruña afronta este xoves 16 de abril a cuarta e derradeira xornada da súa participación no 39.º Salón Gourmets, a feira internacional de alimentación e bebidas de alta gama que se celebra no recinto feiral de IFEMA, en Madrid. Para o vicepresidente provincial e deputado de Turismo e Promoción Económica, Xosé Regueira, o balance é “moi positivo”, e destacou que “ao longo dos anos estamos gañando un oco no panorama estatal e internacional”.
Regueira explicou que as empresas interesadas en abrir novas vías de negocio “saben que a Deputación da Coruña conta cun posto propio neste tipo de eventos e xa nos veñen buscar para contactar cos produtores e produtoras que nos acompañan baixo a marca A paisaxe que sabe.
Nesta terceira xornada (a deste mércores 15), o espazo da Deputación continuou desenvolvendo un amplo programa de actividades orientadas á promoción do produto local e da gastronomía da provincia perante público profesional e especializado.
A programación arrancou cunha nova degustación de café de especialidade de Cafés Aruba acompañada de tiramisú de café. A continuación, Luís Paadín ofreceu o relatorio e cata de viños titulado Ribeiras do Ulla coruñesas: crisol de castes.
Xa en horario de mediodía, Juan Crujeiras, do restaurante Bido (A Coruña), protagonizou dúas demostracións nas que elaborou pratos como pescada, escabeche emulsionado, amorodos e pementos de Herbón encurtidos, así como repolo de Betanzos asado e fermentado con demiglace de hortalizas asadas e mazá.
Pola tarde foi a quenda de Iria Espinosa, do restaurante con Árbore da Veira (A Coruña) —distinguido cunha estrela Michelin—, que presentou elaboracións como porro asado con guiso meloso de mans de porco, gamba e salsa bearnesa, ademais de vieira con manteiga de miso, caviar de codium e cacahuete tostado.
A xornada completouse con novas presentacións e degustacións de Gallegas de Nata (A Coruña) e A Conserveira (Ribeira), así como coa proposta gastronómica de Chichalovers arredor do seu bocadillo de rexóns, cogombros agridoces e salsa chipotle.
A Deputación da Coruña despedirá mañá a súa participación nesta edición de Gourmets cunha nova xornada de actividade que comezará ás 11:00 horas coa degustación de café de especialidade de Cafés Aruba. Ás 12:00 horas celebrarase o relatorio e cata de viños Viños con crianza da Coruña: o caso de María Manuela, a cargo de Luís Paadín.
A partir das 13:00 horas volverán os showcookings de Juan Crujeiras, mentres que desde as 15:00 horas Iria Espinosa ofrecerá novas elaboracións gastronómicas para pechar a programación da Deputación neste foro profesional internacional.
Barbanza-Arousa arquivos – O Barbanza
