O Museo do Gravado de Artes inaugura unha nova exposición dedicada a Jules Verne. Viaxe ao centro da terra, da man das ilustracións de Ignacio Hernández Suñer, coñecido como Íñigo. A mostra, que poderá visitarse ata principios de agosto, forma parte da celebración do 25 aniversario da institución e reúne 65 debuxos á augada orixinais realizados […] O Museo do Gravado de Artes inaugura unha nova exposición dedicada a Jules Verne. Viaxe ao centro da terra, da man das ilustracións de Ignacio Hernández Suñer, coñecido como Íñigo. A mostra, que poderá visitarse ata principios de agosto, forma parte da celebración do 25 aniversario da institución e reúne 65 debuxos á augada orixinais realizados
O Museo do Gravado de Artes inaugura unha nova exposición dedicada a Jules Verne. Viaxe ao centro da terra, da man das ilustracións de Ignacio Hernández Suñer, coñecido como Íñigo. A mostra, que poderá visitarse ata principios de agosto, forma parte da celebración do 25 aniversario da institución e reúne 65 debuxos á augada orixinais realizados a finais da década de 1950.
Por primeira vez, o museo exhibe todos os orixinais que conserva desta obra, nun percorrido que permite redescubrir un dos clásicos de Verne a través da linguaxe visual de Íñigo. A colección complétase con fondos doutros títulos emblemáticos do autor, como 20.000 leguas de viaxe submarina, Don Quixote da Mancha e As mil e unha noites, empregados para álbums ilustrados, cromos e adaptacións literarias da editorial Archivo de Arte.
A concelleira de Cultura, Ana Barreiro, destacou durante a presentación que a exposición “non só representa unha viaxe ao centro da terra, senón tamén unha viaxe á nosa infancia”. Sinalou ademais o valor destas pezas para achegar o público á obra de Verne e ao traballo artístico do gravado.
Barreiro definiu a proposta como unha oportunidade para gozar en familia, especialmente cos máis pequenos, e para descubrir ao tempo a literatura clásica, a disciplina do gravado e a oferta cultural do Museo do Gravado de Artes. A mostra preséntase así como unha viaxe visual marcada polo detalle no trazado e o dominio da cor.
Barbanza-Arousa | O Barbanza
